БИШКЕК, 22-мар. — Sputnik. Немис дарыгерлери Германияда акысыз дарылоо үчүн Талас облусунан 10 бала тандап алышканын Саламаттык сактоо министрлиги билдирди.
Буга чейин 14-15-март күндөрү дарылоо үчүн оорулуу балдарды тандоо иш-чарасы жүргүзүлөрү айтылган.
Балдар Friedensdorf International кайрымдуулук уюму, Эне жана баланы коргоо улуттук борбору менен Травматология жана ортопедия илим-изилдөө борборунун дарыгерлери тарабынан тандалып алынды.
Акысыз дарыланууга арыз берген 360 баланын ичинен 174 балага расмий чакыруу келген. Тандалып алынган балдардын бешөө август айында, калганы 2017-жылдын февраль айында Германияга жөнөтүлөт.
Эскерте кетсек, үч жылдан бери Германиянын клиникаларында 24 кыргызстандык бала дарыланды. Анын 16сы учурда мекенине кайтып келди. Ооруканада дагы сегиз бала дарыланып жатат.
