БИШКЕК, 22-мар. — Sputnik. Бүгүн Бишкекте студенттердин "Жаңы ысымдар" аттуу театралдык фестивалы баштала турганын Маданият, маалымат жана туризм министрлиги билдирди.
Маалыматка ылайык, фестивалдын ачылыш аземи саат 16.00дө Бакен Кыдкеева атындагы мамлекеттик жаш көрүүчүлөр театрында өтөт.
Иш-чарага Абдымомунов атындагы улуттук драма театрынын алдындагы театралдык училищенин, Бейшеналиева атындагы мамлекеттик маданият жана искусство университетинин театр жана кино факультети, Кыргыз-түрк "Манас" университетинин театр бөлүмүнүн студенттери жана "Туңгуч" жаштар театры катышат.
Фестивалдын жабылуу салтанаты 26-мартта өтөт.
