БИШКЕК, 21-мар. — Sputnik. Лейлек районундагы Жаңы-Жер айыл өкмөтү менен Арка айылындагы мечити биргелешип айылдагы жаштардын ортосунда ынтымакты бекемдөө максатында футбол оюнун уюштурду. Бул туурасында Баткен облустук казыятынын маалымат кызматынын жетекчиси Фуркат Авлиёев билдирди.
Арка айылындагы мечиттин имамы Умарали Эргешов мындай иш-чаралар пайдалуу болот жана аны өткөрүүнү салтка айлантабыз деген пикирде.
"Спорттук беттеште мусулмандын бири-бирине болгон укук-милдеттери бар экенин, аны сактоо, атаандашын сыйлоо, кемчиликтерге сабырдуулук кылуу менен ар кыл айыл жаштарынын ортосунда ынтымакты бекемдесе болот деген түшүнүктү жеткире алдык деп ойлойбуз. Мындай иш-чараларды өткөрүүнү салтка айланталы деп турабыз", — деди Эргешов.
Жеңүүчүлөргө айыл өкмөт жана мечит тараптан уюштурулган сыйлыктар тапшырылды.
