БИШКЕК, 21-мар. — Sputnik. Эртең, 22-мартта борбор калаада күн ачык болорун Кыргызгидромет билдирди.
Маалыматка ылайык, Бишкек шаарында жаан-чачын болбойт. Түштүк-батыштан соккон шамалдын ылдамдыгы секундасына 2-7 метрге жетет.
Күндүн жылышынан улам Кыргызстандын тоолуу райондорундагы ашуу жолдорунда кар көчкү түшүү коркунучу бар.
Бишкек — Ош унаа жолунун 121-137чи жана 198-265чи чакырымдары кар көчкү түшүү коркунучу бар. Жолдор тайгак болуп муз тоңот. Андыктан айдоочуларга авто унаалардын ортосунда 500 метр аралыкты сактоо эскертилет.
