Тыныбекова Астанада өткөн лицензиялык турнирдин жеңүүчүсү болду

© AFP / JUNG YEON-JEКыргызстандык балбан Айсулуу Тыныбекова күрөш учурунда. Архив
Кыргызстандык балбан Айсулуу Тыныбекова күрөш учурунда. Архив - Sputnik Кыргызстан
Жазылуу
Буга чейин кыргызстандык балбан кыз финалдык беттешке чыккандыктан Рио-де-Жанейро шаарында өтө турчу Жайкы Олимпиадалык оюндарга жолдомо алган.

БИШКЕК, 19-мар. — Sputnik. Кыргызстандык балбан Айсулуу Тыныбекова Астана шаарында өткөн лицензиялык турнирде 59 килограмм салмак категориясында чемпион болду. 

Эркин, грек-рим жана кыз-келиндер арасында күрөш боюнча лицензиялык эл аралык турнир Казакстандын Астана (Казакстан) шаарында өтүп жатат. 

Балбандар күрөш учурунда. Архив - Sputnik Кыргызстан
Кыргызстандык балбандар Мусаев менен Рамонов Олимпиадага лицензия алышты
Финалдык беттеште Тыныбекова монголиялык Орхон Пуревдорж менен беттешип, аны 10:5 эсебинде утуп алган.

Буга чейин кыргызстандык балбан кыз финалдык беттешке чыккандыктан Рио-де-Жанейро шаарында өтө турчу Жайкы Олимпиадалык оюндарга жолдомо алган.

Астанада өткөн лицензиялык турнирде кыргызстандык төрт балбан Олимпиадага катышуу үчүн жолдомо алышкан. Эми Жайкы Олимпиадалык оюндарга Кыргызстан сегиз лицензия алды. 

Астанадагы турнирге чейин кыргызстандык Дарья Маслова, Юлия Андреева жана Мария Коробицкая (бардыгы жеңил атлетчи), ошондой эле, грек-рим күрөшү боюнча балбан Арсен Эралиев лицензия алышкан.

Жаңылыктар түрмөгү
0