Балбан кыз Айсулуу Тыныбекова Олимпиадалык оюндарда Кыргызстандын намысын коргойт

© AFP / JUNG YEON-JEАйсулу Тыныбекова. Архив
Айсулу Тыныбекова. Архив - Sputnik Кыргызстан
Жазылуу
Астанада өтүп жаткан лицензиялык турнирдин финалдык оюндарында Тыныбекова Монголиядан келген балбан кыз менен беттешет.

БИШКЕК, 19-мар. — Sputnik. Кыргызстандын балбан кызы Айсулуу Тыныбекова Рио-де-Жанейро шаарында өтө турчу Олимпиадалык оюндарга катышуу үчүн жолдомо алды.

Эркин, грек-рим жана кыз-келиндер арасында күрөш боюнча лицензиялык эл аралык турнир Казакстандын Астана шаарында өтүүдө. Ага Кыргызстандан 17 спортчу катышууда. Бул оюндарда кыргызстандык балбандар 4 жолдомо утушту.

Тыныбекова жарым финалда Түндүк Кореялык балбан Ин Сун Йон менен беттешип, аны утуп алган.

Эми финалдык оюндарда Тыныбекова Монголиядан келген балбан кыз менен беттешет. Турнирдин регламенти боюнча финалга чыккан балбандарга Олимпиадалык оюндарга катышуу үчүн дароо жолдомо берилет.

Жайкы Олимпиадалык оюндарга катышуу үчүн Кыргызстан сегиз лицензия утуп алды. Олимпиада 5-августтан 21-августка чейин Бразилиянын Рио-де-Жанейро шаарында өтөт. Анда спорттун 28 түрү боюнча 306 комплект медаль ойнотулат.

Астанадагы турнирге чейин кыргызстандык Дарья Маслова, Юлия Андреева жана Мария Коробицкая (бардыгы жеңил атлетчи), ошондой эле, грек-рим күрөшү боюнча балбан Арсен Эралиев лицензия алышкан.

Жаңылыктар түрмөгү
0