БИШКЕК, 18-мар. — Sputnik. Жылуулук электр борборунун цехинде жалын чыгып, өрт болгон эмес деп билдирди "Электр станциялары" ишканасынын маалымат кызматынан Тагжана Айдаралиева.
Буга чейин Бишкек милициясы Борбор калаадагы Жылуулук электр борборунда (ТЭЦ) 17-мартта өрт чыгып, эки жаран оор жаракат алган. Бир жарандын денесинин 90 пайызы, экинчисиники 12 пайызы күйгөндүгүн билдирген.
"Электр станцияларынын" маалыматы боюнча, кечээ түшкө маал, тагыраагы 13.14тө көмүр талкалаган тегирменден жарылуу болуп, күйүп жаткан көмүрдүн чаңы ар тарапка чачыраган. Мунун кесепетинен аталган жайдын оңдоп-түзөө цехинин эки жумушчусу күйүк алган.
Учурда бул кырсыкты иликтөө боюнча атайын комиссия иштеп жатат.
