Президент Аксы окуясында каза болгондордун эстелигине гүлчамбар койду. Өлкө башчы өз сөзүндө Аксы окуясы элибиздин көзүн ачып, адилеттик менен эркиндикке жол баштаганын баса белгиледи.
"Аксы окуясы элдин аң-сезимин өзгөртүп, улуттук намысыбызды ойготкон. Коомубуз тазаланып, үй-бүлөлүк башкаруудан арылып, накта элдик бийликтин орношуна карай жол дал ушул жерден башталган", — деди өлкө башчысы.
Атамбаев Аксы окуясы Кыргызстан тарыхына, көптөгөн адамдардын, анын ичинде өзүнүн да тагдырыңа терең из салганын айтат.
2002-жылдын 17-марты, 2005-жылдын 24-марты жана 2010-жылдын 7-апрели кыргыз элинин адилеттикке, эркиндикке карай басып өткөн татаал, кандуу жолдун эң маанилүү, эң сыймыктуу күндөрү экенин өлкө башчы кошумчалады.
