БИШКЕК, 17-мар — Sputnik. Бишкектин "Көк-Жар" жаңы конушунда салынып жаткан бала бакчанын курулушун шаардын вице-мэрлери менен Октябрь районунун акими текшерип чыгышты. Бул тууралуу мэрия билдирди.
Маалыматка ылайык, №182 бала бакча шаардык бюджеттин эсебинен курулууда. Учурда имарат салынып бүтүп, аймагын жашылдандыруу жана көрктөндүрүү иштери жүрүп жатат. Мекеме эмерек менен толук камсыздалып, жаңы жабдуулар орнотулду.
280 орундуу бала бакча Октябрь районундагы эң ири мектепке чейинки билим берүү мекемеси болуп саналат.
