БИШКЕК, 16-мар. — Sputnik. Чүй облусунун Панфилов районундагы Чалдыбар айылында 117 тоннадан ашык күйүүчү майда мыйзамсыз сактап сатып келген эки жаран аныкталды. Бул тууралуу Экономикалык кылмыштуулукка каршы күрөшүү кызматынын маалымат кызматы билдирди.
Ага ылайык, Чалдыбар айылынын эки тургуну 25 миң литр жана 36,7 миң литр күйүүчү майды мыйзамсыз сактап жана сатып келген.
Аталган факты боюнча Кылмыш жаза кодексинин 180-беренеси ("Мыйзамсыз ишкердик жүргүзүү") боюнча кылмыш иши козголду.
Тергөө иштери улантылууда.
