БИШКЕК, 13-мар. — Sputnik. Кыргызстандын окумуштуулары малды дарысыз дарылоо жолун таап, ал ыкмага патент алышты. Бул тууралуу Мамлекеттик менчик жана инновациялар кызматынын расмий сайтына жарыяланды.
12 Жалган Куран 2016, 12:03
Маалыматка ылайык, малды дарысыз дарылоо ыкмасы менен инфекциялык ооруларды жана шарп, бруцеллездон арылтууга мүмкүн.
Ачылыш тууралуу толук маалымат "Кыргызпатент" чыгарган "Интеллектуалдык менчик" маалыматтык бюллетенине басылып чыкты.
Шарп же бруцеллез менен ооруган малдан кан алынып, ал төмөнкү интенсивдүү лазердик нурдан өткөрүлүп, ооруп жаткан малга ийне аркылуу сайылат.
Шарп менен бруцеллез инфекциялык оорулардын катарын толуктайт. Ал малдан адамга жугат. Шарп ооздун шилекей бездерин жабыркатып, денени калтырак басат. Ал эми бруцеллез оорусу нерв клеткаларына терс таасирин тийгизет.
