БИШКЕК, 11-мар. — Sputnik. Өкмөт өз жыйынында Электрондук саламаттык сактоо программасын бекитти. Бул тууралуу өкмөттүн маалымат кызматы билдирди.
Саламаттык сактоо министри Талантбек Батыралиевдин айтымында, бул программа жарандарга маалыматтык-коммуникациялык технологиялардын негизинде аларга жеткиликтүү медициналык көмөк көрсөтүүнү жана жеке учетко алууну киргизүү максатында сунушталууда.
"Бизде маалымат кол менен жыйналат, кээде каталар кетет. Натыйжада көйгөйлөр келип чыгат. Электрондук саламаттык сактоо тутумуна өтүү ар кыл кагаздарды толтурууда ишти жеңилдетип, медициналык тейлөөнү тездетет, жарандарга медициналык көмөк көрсөтүүдө жеке учетко алууну киргизүүгө шарт түзөт", — деди министр.
Натыйжада өкмөт мүчөлөрү 2016-2020-жылдарга Электрондук саламаттык сактоо программасын бекитти.
