Кыргызгидромет: дем алыш күнү өлкө аймагына кар жаап, үшүк жүрөт

Жазылуу
Мындай үшүктүн жүрүшү бүчүр байлаган жана гүлдөгөн мөмө бактарга коркунуч алып келет. Ошондой эле айыл чарба иштерин, автоунаа, энергетика жана коммуналдык кызматтардын ишин жана кыштоо жайыттарда малды кармоону кыйындатат.

БИШКЕК, 11-мар. — Sputnik. Кыргызстан боюнча 13-марттан 15-мартка чейин аба ырайы кескин өзгөрүп, көпчүлүк аймактарда жаан, тоолуу райондордо кар жаашы күтүлөт. Бул тууралуу Кыргызгидромет билдирди.

Маалыматка ылайык, Чүй, Талас, Баткен, Ош, Жалал-Абад облустарынын кээ бир райондорунда нөшөрлөп жаан жаайт. Бийик тоолуу аймактардын автожолдоруна кар күрткүсү түшүп, жолдор тоңголок, тайгак болот.

Кол чатырчан кыз. Архив - Sputnik Кыргызстан
Марттын ортосунда аба ырайы өзгөрүп, 5 градуска чейин суук болушу мүмкүн
Ошондой эле, кээ бир райондордо батыштан соккон шамалдын ылдамдыгы секундасына 15-20 метрге, Ысык-Көл акваториясында 19-24 метрге чейин жетет.

14-мартта күндүз тоолуу райондордо 5 градуска чейин суук болот. Андыктан дыйканчылык аймактарда түнкүсүн үшүк жүрөт.

Мындай үшүктүн жүрүшү бүчүр байлаган жана гүлдөгөн мөмө бактарга коркунуч алып келет. Туруксуз аба ырайы айыл чарба иштерин, автоунаа, энергетика жана коммуналдык кызматтардын ишин жана кыштоо жайыттарда малды кармоону кыйындатат. 

Андан сырткары Кыргызстандын тоолуу райондорунда, өзгөчө Бишкек — Ош (121-137, 198-265 чакырымдары) унаа жолдорунда кар көчкү түшүп, кар күрткүсү пайда болот. Айдоочулардын унаалардын ортосундагы 500 метр аралыкты сактоосу эскертилет.

Буга чейин Кыргызгидромет март айынын ортосунда аба ырайы кескин өзгөрө турганын маалымдаган.

Жаңылыктар түрмөгү
0