Бирдиктүү түрк телеканалын түзүү белгисиз убакытка жылдырылды

© Sputnik / Табылды КадырбековТелевизор көрүп жаткан адам. Архив
Телевизор көрүп жаткан адам. Архив - Sputnik Кыргызстан
Жазылуу
Орток канал түзүү боюнча чечим былтыркы жылдын жай айында Казакстандын демилгеси менен кабыл алынган.

БИШКЕК, 11-мар. — Sputnik. Казакстан экономикалык себептерден улам бирдиктүү түрк телеканалын түзүүнүн мөөнөтүн белгисиз убакытка жылдыруу боюнча Түрк кеңешине нота жибергенин КРдин Маданият, маалымат жана туризм министрлиги билдирди.

Россиялык ТВ Кыргызстанда өтө турган Көчмөндөр оюндары тууралуу сюжет даярдоодо
Эскерте кетсек, былтыркы жылдын 5-июнунда өткөн Түрк тилдүү мамлекеттердин кызматташуу кеңешинде Казакстандын демилгеси менен орток телеканал түзүү чечими кабыл алынган.

Учурда Стамбул шаарында аталган кеңештин маалымат жаатында кызматташуу боюнча жумушчу топ иш алып барууда. Казак тарап расмий нота жибергени тууралуу катышуучуларды кабардар кылды.

Кыргызстандан аталган жыйынга Маалымат жана массалык коммуникация департаментинин директору Бактыгүл Норузбаева жана "Кабар" улуттук маалымат агенттигинин башкы директору Болот Жумабаев катышууда.

Жаңылыктар түрмөгү
0