БИШКЕК, 3-мар. — Sputnik. Экономика министрлиги өкмөттүн кароосуна ЖОЖдогу акы төлөнүүчү кызматтарга мамлекеттик жөнгө салууну жоюу сунушун киргизгенин мекеменин маалымат кызматы билдирди.
Министрлик "КР өкмөтүнүн айрым чечимдерине өзгөртүү жана толуктоолорду киргизүү" токтомунун долбоорун сунуштады.
"Долбоордо билим берүү кызматтарынын тарифтерине мамлекеттик көзөмөлдү жоюу каралган. Бул билим берүү жаатындагы атаандаштыктын өнүгүүсүн шарттайт. Иликтөөлөр бул тармак ичиндеги атаандаштыктын деңгээли күч экенин көрсөтүп, мамлекеттин кийлигишүүсүнө муктаж эмес экенин ачыктады", — деп айтылат билдирүүдө.
Окуунун баасы жеке ЖОЖдордо мамлекет тарабынан жөнгө салынбайт, муну менен мамлекеттик окуу жайларга да бирдиктүү атаандаштык шарты түзүлмөкчү.
Мында Монополияга каршы жөнгө салуу агенттигине гана элден түшкөн арыздын негизинде гана окутуу баасынын негиздүүлүгүн текшерүү укугу берилген.
