БИШКЕК, 29-фев. — Sputnik. Жусуп Баласагын атындагы улуттук университеттин жооптуу кызматкерлерине карата кылмыш иши козголгонун Башкы прокуратура билдирди.
Маалыматка ылайык, аталган окуу жайдын кызматкерлери эки жыл бою чет мамлекеттерде жүргөн Экономика жана финансы институтунун студенттеринин электрондук зачёт китепчелерине жана ведомостторго баа коюп, курстан курска өткөрүп келишкен.
Бул боюнча "Кызмат абалынан кыянаттык менен пайдалануу" жана "Документти жасалмалоо" беренелеринин негизинде кылмыш иши козголду. Учурда тергөө амалдары жүрүп жатат.
