БИШКЕК, 19-фев. — Sputnik. Бишкек шаардык кеңешиндеги оппозициялык "Республика" фракциясы мэрликке талапкер сунуштоодон баш тартканын Sputnik Кыргызстан агенттигине фракция лидери Канатбек Музуралиев билдирди.
Бүгүн фракциялык отурум болуп, калаа башчылыгына талапкер сунуштоо пландалган.
"Мэрликке талапкер сунуштоо чечиминен баш тарттык. Албек Ибраимовду колдойбуз", — дейт Музуралиев.
Бишкек аймактык шайлоо комиссиясынын төрагасы Кайрат Маматовдун айтымында, саат 18:00дө кандидаттарды сунуштоо убактысы жыйынтыкталды.
Бул убакыт ичинде бир гана Албек Ибраимовдун талапкерлиги сунушталды. Ал учурда Ибраев кыргыз тилинен экзамен тапшырууга үлгүрдү.
Шаардык кеңештеги төрт фракция, коалиция жана премьер-министр каалаган талапкерин сунуштай алат.
Шаардык кеңештеги 45 депутаттын эң аз дегенде 23үнүн добушун алган талапкер мэр болот.
Кубанычбек Кулматов 9-февралда өз ыктыяры менен кызматтан кеткен. Анын милдетин вице-мэр Айгүл Рыскулова аткарууда. Мэрди шайлоо 27-февралда өтөт.
