БИШКЕК, 12-фев. — Sputnik. Үч жыл мурун адам өлтүрүүгө шектелген жаран кармалды Бишкекте кармалды. Бул тууралуу Ички иштер министрлигинин маалымат кызматы билдирди.
Чүйдөгү Беловодск айылында 2012-жылдын декабрь айында 30 жаштагы жарандын жансыз денеси табылган. Окуя болгон жерден кылмышка шектүү адам изин суутуп кеткен деп айтылат маалыматта.
Ыкчам иликтөө тобу шектүү адамдын аты-жөнүн ырастаганы менен дайынын таппай калган.
Аталган факты боюнча 2012-жылы Кылмыш жаза кодексинин 97-беренеси (адам өлтүрүү) боюнча 27 жаштагы Максатка кылмыш иши козголгон. Ал дайынын билдирбей кеткендиктен, Москва райондук ички иштер башкармалыгы тарабынан издөө жарыяланган.
Маалыматка ылайык, үстүбүздөгү жылдын 11-февралында кылмышка шектелген жаран кармалып, Москва райондук сотунун чечими менен камакка алынды.
