Сариев: айыл чарбасын өнүктүрө турган 4 модель иштелип чыкты

© Sputnik / Табылды КадырбековПремьер-министр Темир Сариев. Архив
Премьер-министр Темир Сариев. Архив - Sputnik Кыргызстан
Жазылуу
Өкмөт башчынын айтымында, күнөсканаларды куруу, мал союучу пункттарды куруу, логистикалык борборлорду ачуу, тамчылатып сугарууну өндүрүшкө киргизүү жана мал чарбасынын өндүрүмүн жакшыртуу менен айыл чарбасын максаттуу өнүктүрүүгө болот.

БИШКЕК, 11-фев. — Sputnik. Айыл чарбасына заманбап моделдер киргизиле турганын премьер-министр Темир Сариев Жогорку Кеңештин жыйынында жазгы талаа жумуштарына даярдык тууралуу айтып жатып билдирди.

Өкмөт башчы жазгы талаа жумуштарына даярдык эрте башталып, атайын республикалык штаб түзүлгөнүн белгиледи. Муну менен бирге төрт моделдик долбоорду ишке ашыруу каралып жатканын айтты.

"Бул күнөсканаларды куруу, мал союучу пункттарды куруу, логистикалык борборлорду ачуу, тамчылатып сугарууну өндүрүшкө киргизүү жана мал чарбасынын өндүрүмүн жакшыртуу моделдери. Буларды ишке ашыруу менен айыл чарбасындагы жаңы ыкмаларды жайылтуу жана өндүрүмдүүлүк менен эффективтүүлүктү жогорулатуу максаты коюлган", — деди Сариев.

Премьер-министр дагы бир маанилүү багыт катары айыл чарбасын механизациялоо экенин айтып, лизингге берүү боюнча иштер жүрүп жатканын билдирди. Маалыматка ылайык, "Айыл Банк" тарабынан айыл чарба товар өндүрүүчүлөрүнө 2011-жылдан баштап 1637 айыл чарба техникалары лизингге берилген.

"Лизингге техника алуудагы 30 пайыздык өздүк салым 10 пайызга төмөндөтүлдү", — деди Сариев. 

Премьер-министр муну менен катар жер-жерлерде машина-техникалык станцияларды куруу жана тейлөө боюнча иштери жүргүзүлүп жатканын белгиледи. 

Жаңылыктар түрмөгү
0