БИШКЕК, 9-фев. — Sputnik. Бакирдин Субанбеков депутаттыктан кеткен Бакыт Эсенбаеванын ордуна депутат болуп келе турганы Борбордук шайлоо комиссиясынын жыйынында белгилүү болду.
"Бир Бол" фракциясынан депутаттыкка шайланып, вице-спикерлик милдетти аркалап келген Есенбаева мандатынан өз ыктыяры менен баш тарткан.
Жыйында БШК мүчөлөрү Есенбаеванын укуктарын токтотуп, кийинки маселе катары жаңы парламентарийдин талапкерлигин талкуулашты. Ага ылайык, Жогорку Кеңешке партиянын тизмеси боюнча Бакирдин Субанбеков келмей болду. Жыйын катышуучулары ага бир добуштан макул болушту.
Субанбеков 2000-жылдардын башында Ички иштер министрлигин жетектеп келген.
