БИШКЕК, 9-фев. — Sputnik. Бүгүн Бишкек шаарында күндүз кар жаап, күн үч градуска чейин жылуу боло турганын Кыргызгидромет билдирди.
Маалыматка ылайык, кечинде абанын температурасы беш градуска чейин суук болот. Батыштан соккон шамалдын ылдамдыгы секундасына 4-9 метрден 14 метрге чейин жетет. Жолдор тоңголок, тайгак болот.
Ошондой эле, Кыргызстандын дээрлик бардык аймактарында кар жаайт. Зымдарга жана бактарга суу кар жармашат. Тоолуу аймактардын автожолдорунда кар күрткү пайда болуп, жолдор тоңголок, тайгак болот.
Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге, Ысык-Көл акваториясында 19-24 метрге чейин жетиши мүмкүн.
