БИШКЕК, 8-фев. — Sputnik. Экинчи дүйнөлүк көчмөндөр оюнуна спорттун 26 түрү киргизилгенин Sputnik Кыргызстан агенттигине КРдин Улуттук спорттун турлөрүн өнүктүрүү боюнча республикалык борбордун башчысы Алмазбек Касенов билдирди.
Анын айтымында, тиешелүү чечимди Түрк тилдүү мамлекеттердин кызматташуу кеңешинин өкүлдөрү кабыл алышты. Эксперттик топ Бүткүл дүйнөлүк көчмөндөр оюндарынын программасына киргизилчү спорттун түрлөрүн бекитип, маарекени өткөрүү долбоорун аныкташты.
Биринчи дүйнөлүк көчмөндөр оюну 2014-жылы сентябрь айында көгүлтүр Ысык-Көлдө өткөн.
Касенов бул жылы спорттун кайсы түрлөрү кошуларын айтып берди:
- Түрктөрдүн ат үстүндө найза менен кармашуусу — "Жирит";
- Жаа атуу таймашы:
- Жөө спортчулардын жаа атышы;
- Ат үстүндө жаа атуу;
- Узундукка жана таамайлыкка массалык жаа атуу;
"Салбурун" мергенчилик боюнча таймаштар:
- "Бүркүт салуу";
- "Чырга";
- "Үндөк";
- "Далба ойнотуу";
- "Тайган жарыш".
- Күрөштүн жаңы кошулган түрлөрү:
- "Аба гюреш" (түрк күрөшү);
- "Гореш" (түркмөн күрөшү);
- "Гюлеш" (азербайджан күрөшү);
- "Сирым" (корей күрөшү);
- "Мас-рестлинг" (орус күрөш).
Улуттук интеллектуалдык оюндардын тизмегине тогуз-коргоолдон сырткары жаңы түрлөр кошулду:
- "Овари";
- "Бао" (африка оюндары);
- "Мангала" (түрк оюндары).
- Биринчи көчмөндөр оюнунан эмнелер калды:
- "Алыш";
- "Кыргыз күрөш";
- "Казахша күрөш";
- "Ордо";
- "Чоң ат-чабыш";
- "Ат-чабыш";
- "Жорго салыш";
- "Кунан чабыш";
- "Көк бөрү";
- "Эр эңиш".
