БИШКЕК, 3-фев. — Sputnik. Австралияда Зика оорусуна чалдыккан эки адам аныкталганын өлкөнүн Саламаттык сактоо министрлиги билдирди.
Маалыматка ылайык, аталган дарт Гаитиден кайткан австралиялыктардан табылган. Мындан тышкары, бийлик Сиднейдин эл аралык аэропортунан вирусту жайылтуучу чиркейлер аныкталганын айтып чыкты.
Зика оорусу — маймылдардын курч инфекциялык илдети. Ал айрым учурда гана чиркейлер аркылуу адамга жуга турганы байкалган. Вирус көбүнесе кош бойлуулар үчүн өтө кооптуу, анткени ал түйүлдүктүн баш мээсине доо кетирүүгө жөндөмдүү келет.
Үстүбүздөгү жылдын 27-январына карата аталган илдет дүйнөнүн 27 өлкөсүндө катталган.
