БИШКЕК, 22-янв. — Sputnik. Быйылкы жыл тышкы карыз маселеси боюнча Кыргызстан үчүн турукту болорун Moody's рейтинг агенттиги өз отчетунда божомолдойт.
Берилген маалыматка ылайык, 2015-жылы карыздын өсүшүнө сомдун арзандашы себепкер болгон.
Божомолдор боюнча жеңилдетилген шарттар доллар менен төлөөгө туура келген өлкө карызына терс таасирди жумшартат. Ошол эле учурда төмөнкү үстөк ставкасы жана карыздан кутулуу мөөнөтүнүн узартылышы тышкы карыз кооптуулугун азайтат.
"Россиядан келген акча жана башкы кен казуучу компания менен чечилбеген маселелер Кыргызстандык экономикалык абалынын туруктуу болушуна ишеним арттырбайт. Ошентсе да биз 2016-жылы ИДПнын 4,8 пайызга өсүүсүн күтүп жатабыз. Былтыр бул көрсөткүч 3,5 пайыз деңгээлинде болгон", — дейт агенттиктин серепчиси Матиас Ангонин.
Муну менен бирге адис сомдун арзандашына теңгенин кескин девальвациясы таасир экенин белгиледи. Мында эки валюта менен тыгыз байланыштагы россиялык рублдин да салымы күчтүү. Анын айтымында, Кыргызстанга акча которуулардын 85 пайызы Россиядан келет.
Мындан тышкары, агенттик Кыргызстан өлкө экономикасына жардам бере турган чет элдик инвесторлордун колдоосуна ээ экенин кошумчалайт.
