БИШКЕК, 21-янв. — Sputnik. Жалал-Абад Ички иштер башкармалыгынын кызматкери, милициянын майору террористтик уюмдарга курал-жарак саткан деген шек менен кармалганын УКМК билдирди.
Маалыматка ылайык, майор аталган башкармалыктын курал-жарак жана ок-дары сактоо, берүү жана эсепке алуу боюнча жоопкер болгон.
Үстүбүздөгү жылдын 14-январында сатылган ок-дарынын бир бөлүгү Жалал-Абад облусунун айылдарынын биринде жашаган террористтик уюмдун мүчөсүнөн табылган.
Үч күндөн кийин колго түшүрүлгөн милиция кызматкери учурда камакка алынды. Тергөө амалдары жүрүп жатат.
