БИШКЕК, 6-янв. — Sputnik. Былтыр 1 миллион 647 миң 300 тонна көмүр казылып алынганын өкмөттүн маалымат кызматы кабарлады.
Билдирүүгө ылайык, бул 2014-жылга салыштырмалуу 7,5 пайызга көп. Жалпы жонунан тоо-кен тармагындагы өндүрүштүн көлөмү 7,1 миллиард сомду түзүп, мурдагы жылга караганда 1,7 эсеге көп экени катталган.
Бул металл кендерин казуунун, таш көмүр, чийки нефть жана жаратылыш газын өндүрүүнүн көлөмүнүн көбөйүшү менен байланыштуу экени айтылууда.
