БИШКЕК, 4-янв. — Sputnik. Бишкектин чет жакасындагы тоо лыжа базаларында кар атайын пушкалардын жардамы менен кармалып турганын базалардын биринен Sputnik Кыргызстан маалымат агенттигине билдиришти.
"Базада жетиштүү кар бар, айрым аймактарга гана карды атайын пушканын жардамы менен жасап жатабыз", — деп билдирди базалардын бири.
Ал ортодо Кыргызгидромет бүгүн, эртең Кыргызстандын көпчүлүк аймактарында кар жаай турганын маалымдады.
"Бүгүн Нарын, Ысык-Көл облустарынын көпчүлүк аймактарында кар жаап жатат. Эртең Чүй, Ош, Талас, Жалал-Абад, Баткен облустарынынын көпчүлүк аймактарында кар жаайт", — дейт Кыргызгидромет.
5-январда күндүз туман түшүп, зымдарга жана бактарга суу кар жармашат. Жолдор тоңголок, тайгак болот. Батыштан соккон шамалдын ылдамдыгы секундуна 2-7 метрге жетет.
Кыргызстандын тоо-лыжа базалары тууралуу Sputnik инфографикасында көрө аласыздар>>
