БИШКЕК, 27-дек. — Sputnik. Жалал-Абаддын Базар-Коргон районундагы Аук жана Кызыл-Октябрь айылдарында эки бала бакча ачылганын Билим берүү жана илим министрлиги билдирди.
Маалыматка ылайык, 90 орундуу эки бала бакчада учурда үч тайпа иштеп жатат. Алардын тийиштүү эмерек менен жабдылышына жергиликтүү ишкерлер чоң салым кошкон.
Ал эми райондук гранттын каражатына ашкана, даараткана, көзөмөл пункт жайгашкан бакчаларды айланта темир тосмолор орнотулду. Буга жалпы жонунан үч миллион сом жумшалган. Мындан тышкары, жергиликтүү жашоочулардын эсебинен имараттарга 85 миң сомдук ремонт жасалган.
