БИШКЕК, 26-дек. — Sputnik. Россиянын "Ислам мамлекети" террористтик тобу боюнча маалымат менен бөлүшүү даярдыгына карабастан Пентагон Москва Башар Асадга карата мамилесин өзгөртпөсө Сирия боюнча кызматташпай турганын Sputnik агенттигине АКШ Коргоо министрлигинин расмий өкүлү Мишель Балданса билдирди.
РФнын Башкы штаб башкармалыгынын жетекчиси Сергей Рудской жума күнү Россия "Ислам мамлекети" террористтик уюмуна каршы күрөшкөн коалицияга Сириядагы согушкерлердин объектилери тууралуу маалымат берүүгө даяр экенин, өз кезегинде АКШдан да ушундай эле кадам күтөрүн маалымдаган.
Пентагон Москва Асадды колдогон позициясынан кайтып, ИМге көңүл бурбаса, Россия менен кызматташпай турганын айтты.
