БИШКЕК, 17-дек. — Sputnik. Американын атайын кызматтарында "үрөй учурган" пропагандалык видеолор тартылган "Ислам мамлекети" террордук тобунун медиа борборлорунун жайгашкан орду боюнча так маалыматтар бар экенин Washington Times басылмасы ишенимдүү булактарына таянуу менен билдиргенин РИА Новости жазды.
Америкалык басылманын маалыматы боюнча "Ислам мамлекети" террордук тобунун медиа борборлору карапайым калк жашаган аймакта орун алган. Андыктан Ак үй карапайым калк арасында өлүмдү болтурбоо үчүн абадан сокку урууга чыгынбай жатат. Гезит бул борборлор Алеппонун жанында жайгашканын жазган. Жергиликтүү тургундар бул борбор эки кабаттуу имаратта орун алып, эң жогорку жабдуулар менен жабдылганын айтышат.
Эгер медиаборборлор жок кылына турган болсо, атайын кызматтары аларды иликтөөнүн учугун жоготуп алышы мүмкүндүгүн аталган басылма белгилейт. Ак үй бул имараттарды көзөмөлгө алууну улантуу керектигин айтат. Бул террордук топтун жана анын медиаборборлорунун иштөө принциптерин жакшы түшүнүүгө жардам берет.
