БИШКЕК, 24-дек. — Sputnik. Германиянын канцлери Ангела Меркель Лондонго болгон иш сапары учурунда Британиянын атайын кызматына Россия жөнүндөгү маалыматтарды бергенин РИА Новости Times гезитине шилтеме берүү менен билдирди.
Меркель атайын кызмат жетекчилери менен октябрь айында Британияга болгон иш сапары учурунда жолугушуп, ал премьер-министр Дэвид Кэмерондун коштоосунда өткөнүн аталган басылма белгилейт. Бул жолугушууга Британиянын МИ-5 чалгындоо кызматынын башчысы Эндрю Паркер, Британиянын тышкы чалгындоо MI6 кызматынын жетекчиси Алекс Янгер жана Британ өкмөтүнүн байланыш борборунун жетекчиси Роберт Ханниган катышкан.
Британдыктар Меркелге "Ислам мамлекети" террордук тобу келтире турган коркунуч жөнүндө маалыматтарды беришкен. Ал эми Германиянын башчысы атайын кызматтын өкүлдөрүнө Россиянын президенти Владимир Путин, Украинадагы туруксуздук жана Крымдагы абал тууралуу айтып берген.
