БИШКЕК, 20-дек. — Sputnik. Жума күнү Улуттук банк 750 миң доллар сатып тогузунчу ирет интервенция жасаганын мекеменин сайты жарыялады.
Жыл башынан бери сом долларга карата 26,7 пайызга арзандаган. Быйыл Улуттук банк чет элдик валютаны кармап туруу үчүн орточо эсеп менен күнүнө 740 миң доллар коротуп келди.
2015-жылдын аралыгында башкы банк 33 ирет интервенция жасап, 28 жолу доллар сатса, бешөөндө сатып алган.
Жалпы жонунан үстүбүздөгү жылы Улуттук банк 310 миллион доллар сатып, 43 миллион 950 миң доллар сатып алган.
Интервенция жүргүзүү үчүн Улуттук банк эл аралык валюта резервин колдонуп келет. 1-ноябрга карата аталган резервдин көлөмү 1 миллиард 737 миллион долларды түзгөн.
