БИШКЕК, 13-дек. — Sputnik. Орто эсеп менен алганда Улуттук банк сомдун курсун кармап туруу үчүн күн сайын 740 миң долларды коротууда. Мындай маалымат финансылык көзөмөлдөө башкы органынын сайтында маалымдалат.
Экономика министрлигинин маалыматы боюнча, сомдун куну долларга карата 26,7 пайызга азайган. Доллардын курсу 76 сомго чейин жакындады. Улуттук банк 29 жолу интервенция жасаган, анын ичинен 24 жолу валютаны сатса, беш жолук сатып алган.
Ошол эле учурда Улуттук банк бул мезгил учурунда 43 миллион 950 миң доллар сатып алганын эске алсак, же күнүгө 127 миң доллар туура келет. Эсеп боюнча Улуттук банк сомдун курсун кармап туруу үчүн суткасына 740 миң доллар короткон болот.
Улуттук валюта жүгүртүүгө чыккандан тартып, сомдун курсу эркин рынок менен аныкталат. Улуттук банк сомдун наркын башка валюталарга карата каттабайт, бардыгын рынок чечет. Бирок, ошого карабастан валюта рыногундагы кескин чайкалууну жөнгө салуу үчүн интервенция жасап турат.
