БИШКЕК, 18-дек. — Sputnik. Жаңы жылда атыла турган салют айрым элементтери боюнча Эгемендүүлүк күнүнө карата атылган салютка окшошуп кете турганын Sputnik агенттигине "Россалют" компаниясынын өкүлү Александр Красный билдирди.
Салтка айлангандай, салют бардык шаардыктар үчүн туптуура түнкү саат 12.00дө атыла баштайт.
"Өткөн майрамга 150 миң доллар жумшалган. Бул жолкуда кыйла аз каражат жумшалат. Учурда мэрия менен жаңы жылдык оюн-зооктун форматын сүйлөшүп жатабыз", — деди ал.
Красный 31-августта белгиленген майрамды өткөрүүгө москвалык адистер тартылганын белгилеп, бу жолкуда жергиликтүү адистер иштей турганын кошумчалады.
Ал майрамдык салют эсте каларлык болушу үчүн пиротехниктер бардык аракетин жумшай турганын убада кылды.
