БИШКЕК, 18-дек. — Sputnik. Эгемендүүлүк жылдары 100 миңдеген балдардын өмүрүн сактап калууга мүмкүн болгонун премьер-министр Темир Сариев наристелердин жашоосуна арналган тегерек столдо билдирди.
Анын айтымында, Кыргызстан балдардын жашоосун жакшыртуу жаатында бардык милдеттемелерди аткарды. Негизинен Кыргызстан 1990-жылдан тарта 2015-жылга чейин балдардын өлүмүн 2/3 бөлүккө кыскартууга мүмкүн болгон.
"Бул мезгил аралыгында беш жашка чейинки 100 миңдеген баланын өмүрүн сактап калууга жетиштик. Мындай ийгиликти мамлекеттик органдар эл аралык өнөктөштөрдүн, бейөкмөт уюмдардын, ишкерлердин жана көйгөйгө кайдыгер карабаган жарандардын колдоосунун негизинде камсыздады", — деди Сариев.
Муну менен бирге премьер-министр өкмөт балдарга жардам берүү боюнча мамлекеттик системаны чыңдоо жана өнүктүрүү саясатын колдой турганын кошумчалады.
