Бишкекте окуучу газ баллон чачып, кош бойлуу мугалим менен балдар ооруканага түштү

© Sputnik / Алексей Куденко / Медиабанкка өтүүКапельница ооруканада. Архив
Капельница ооруканада. Архив - Sputnik Кыргызстан
Жазылуу
Ооруканага мугалим менен алты адам жаткырылды. ШИИБ маалыматы боюнча, 9-класстын окуучусу сабак учурунда газ баллонун чачып жиберген.

БИШКЕК, 17-дек. — Sputnik. Шаршемби күнү Бишкектин №27 мектебиндеги 9-класстын окуучусу сабак учурунда газ баллонун чачып жиберип, андан класстагы беш окуучу жана кош бойлуу мугалим жабыркаган. Бул тууралуу Бишкек ШИИБ билдирди.

Маалыматка ылайык, баланын ата-энеси газ баллонун өспүрүмгө өзүн коргоо үчүн сатып берилген. Бейбаштыгы менен окуучу аны кыргыз тили сабагынын маалында колдонгону айтылууда.

"Газ баллонду биринчи өзү чачып, андан кийин дагы эки окуучу ойноп кетишкен. Газга ууланган беш окуучу менен кош бойлуу мугалим ооруканага түштү", — деп айтылат билдирүүдө.

Тез жардам автоунаасы. Архив - Sputnik Кыргызстан
Ошто 7-класстын окуучусу аялды эки баласы менен коюп кетти
Дарыгерлерге таянуу менен милиция кызматкерлери мугалимдин боюндагы баласы уулануудан жабыр тартпаганын билдиришти. Ал эми окуучулардын абалы учурда канааттандырарлык экени айтылууда.

Бейбаштык кылган 9-класстын окуучулары Бишкек ШИИБнге алып келинип, ата-энелери чакыртылды.

Азыркы маалда тергөө жүрүп, кылмыш ишин козгоо боюнча маселе көтөрүлүп жатат. Муну менен бирге ата-энелердин күнөөсү да каралууда. 

Жаңылыктар түрмөгү
0