ЧЖЭНЧЖОУ, 15-дек. — Sputnik. Кыргызстан Шанхай кызматташтык уюмунун (ШКУ) алкагында өзгөчө кырдаал жана табигый кырсыктардын алдын алуу боюнча бирдиктүү маалымат мейкиндигин түзүүнү сунуштай турганын премьер-министр Темир Сариев өкмөт башчылардын жыйынында билдирди.
Сариев өзгөчө кырдаалдардын алды алуу боюнча кызматташууну өнүктүрүү уюмдун бардык өлкөлөрү үчүн маанилүү экенин белгиледи. Анын айтымында, Кыргызстан кадрларды даярдоо жана алардын квалификациясын жогорулатууга өзгөчө кызыкдар.
Мындан тышкары, премьер-министр ШКУнун Ишкерлер кеңешинин ишин жана жаңыланган энергия булактарын пайдалануу боюнча долбоорлордун реестрин түзүүнү колдой турганын билдирди.
Шанхай кызматташуу уюмуна Россия, Кытай, Казакстан, Кыргызстан, Тажикстан жана Өзбекстан мамлекеттери кирет.
