БИШКЕК, 15-дек. — Sputnik. Апта аягында башкы балатыдагы 64 миң диоддук лампалар күйө баштай турганын мэрия билдирди.
Үстүбүздөгү жылдын 12-декабрынан баштап Ала-Тоо аянтында жаңы жылдык балаты орнотула баштаган. 25 метрлик балатыны орнотуп, жасалгалоо "Бишкекжарык" жана "Тазалык" муниципалдык ишканаларына милдеттендирилген.
1/2
© пресс-служба мэрии города Бишкек
Ала-Тоо аянтындагы жаңы жылдык балаты ишембиден тарта орнотула баштады
Лампочкалардан тышкары, балатынын каркасына 1530 бутак бекитилет.
1/2
© пресс-служба мэрии города Бишкек
Ала-Тоо аянтындагы жаңы жылдык балаты ишембиден тарта орнотула баштады
Лампочкалардан тышкары, балатынын каркасына 1530 бутак бекитилет.
Лампочкалардан тышкары, балатынын каркасына 1530 бутак бекитилет. Анын эң төмөнкү бөлүгүнүн диаметри 12 метрди түзөт.
Мындан тышкары, жаңы жылдык балатылар шаардын башка аймактарында да орнотулуп жатат. Бийиктиги 10 метрге жеткен балаты улуттук филармониянын алдында кооздолуп турат. Ал эми Абдылас Малдыбаев атындагы опера жана балет театрынын жанындагы балатынын узундугу 15 метрге жетет. Чүй проспектиси менен Курманжан датка көчөсүнүн кесилишинде 10 метрлик балаты орнотулду.
Кароосуз калган балдарды реабилитациялоо борборунда үч метрлик балаты жасалгаланса, Республикалык балдар чыгармачылыгынын борборунда алты метрлик балаты кооздолду.
Буга чейин мэрия борбор калаанын райондук администрация имараттарын, коомдук жайларды жасалгалоо боюнча сынак жарыялаганы белгилүү.
