БИШКЕК, 8-дек. — Sputnik. Москва шаарындагы Покровка көчөсүндөгү жардыруудан төрт адам жабыркап, үчөө ооруканага жаткырылганын саламаттык сактоо департаменти билдирди.
Укук коргоо органдары жардырууга колго жасалган жарылуучу түзүлүш себеп болушу мүмкүн экенин айтышууда. Аны кимдир бирөөлөр унаа менен өтүп бара жатып же көп кабаттуу үйлөрдүн биринен ыргытып жибериши ыктымал.
"Бардыгы болуп төрт адам жабыркаган, үчөө ооруканага жаткырылды, төртүнчү жаран дарылануудан баш тарткан. Жарааттар анча оор эмес", — деп айтылат билдирүүдө.
Склифософский атындагы институт учурда жабырлануучулар текшерүүдөн өтүп жатканын маалымдаган. Учурда окуя болгон жерде адистер иликтөө иштерин жүргүзүп жатканы аныкталды.
Жардыруу боюнча "Бейбаштык" беренесинин негизинде кылмыш иши козголду.
