БИШКЕК, 3-дек. — Sputnik. Ысык-Атанын Чолпон айылында 35/10 киловольттуу подстанциянын курулушу аяктаганын "Түндүкэлектр" ишканасы билдирди.
Маалыматка ылайык, курулуш иштери үстүбүздөгү жылдын сентябрь айында башталган. Алгач төрт миң киловольт-ампер кубаттуулуктагы трансформатор орнотулуп, 10 киловольттуу түзүлүштөр 11 уюлга бөлүнгөн.
Курулуш-монтаждоо иштерине үч миллион сом сарпталган подстанция экологиялык, өрткө каршы жана архитектуралык экспертизадан кийин ишке киргизилип, "Ивановка" подстанциясынын жүгүн үч эсе жеңилдетет.
Буга чейин "Түндүкэлектр" ушундай эле кубаттуулуктагы подстанцияны Талас облусундагы Бакайыр айылында ишке киргизип, учурда Кара-Буура районунун Жийде, Көк-Дөбө, Молдо Асан, Чимкент айылдарын электр жарыгы менен камсыздоонун сапаты арткан.
