"Главная" подстанциясы модернизацияланды

© Sputnik / Павел Лисицын / Медиабанкка өтүүЭлектр подстанциясы. Архив
Электр подстанциясы. Архив - Sputnik Кыргызстан
Жазылуу
Жаңы жабдууну пайдалануу көп каражатты талап кылбай турганы белгилүү болду.

БИШКЕК, 17-окт. — Sputnik. "Кыргызстандын улуттук электр тармагы" ишканасынын Чүйдөгү филиалынын "Главная" подстанциясы жабдууларын жаңылап, аба өчүргүчтөрү заманбап өчүргүчтөргө алмаштырылганын аталган мекеме билдирди.

Ремонт иштери электр менен камсыздоонун деңгээлин жакшыртуу жана күз-кыш айларына даярдык көрүү максатында жүргүзүлгөн. Подстанция Азия өнүктүрүү банкынын "Энергетика тармагын өнүктүрүү" программасынын алкагында модернизацияланды.

"Жаңы өчүргүчтөрдү пайдалануу көп каражатты талап кылбайт. Мындан улам аталган энергетикалык объектиге кеткен чыгымдын көлөмү азайды", — деп айтылат билдирүүдө.

Мындан тышкары, "Главная" подстанциясын жарым миллион сомдук капиталдык ремонттон өттү.

"Кыргызстандын улуттук электр тармагы" ишканасынын Чүйдөгү филиалынын "Главная" подстанциясы Ленин айлыныда жайгашкан. Жалпы аянты тогуз гектарды түзгөн объект Бишкек шаарынын түндүк бөлүгүн электр энергиясы менен камсыз кылат.

Жаңылыктар түрмөгү
0