БИШКЕК, 27-ноя. — Sputnik. Башкырстанда 9-12-декабрь күндөрү өтө турган II Эл аралык "Күмүш акбозат" улуттук жана этникалык кинофестивалына төрт кыргызстандык тасма катыша турганын Кинематография департаменти билдирди.
26 Жетинин айы 2015, 11:06
Маалыматка ылайык, дүйнө элдеринин руханий жана маданий баалуулуктарын даңазалоо максатында уюштурулган иш-чара Уфа шаарында өтөт.
Анын негизги сынагына Мирлан Абдыкалыковдун "Сүтак" тасмасы катышса, ШКУ мамлекеттеринин кинематографына арналган бөлүктө Далмира Тилепбергенованын "Асман алдында" жана Чолпонай Бөрүбаеванын "Топурак" тасмасы ат салышат. Ал эми Асел Жураеванын "Лампа" фильми көрөрман журтчулугуна конкурстан тыш тартууланат.
Абройлуу иш-чараны баалай турган калыстар тобунун курамында белгилүү кыргызстандык кино таануучу Гүлбара Төлөмүшова бар экени белгилүү болду.
