БИШКЕК, 23-ноя. — Sputnik. Транспорт жана коммуникация министрлиги Оштогу жер титирөөдөн жабыр тарткан жергиликтүү тургундар үчүн мобилдүү турак жай болуп жабдыла турган 28 контейнер жеткирип бергенин ӨКМ башкармалыгынын жетекчиси, полковник Урматбек Шамырканов табигый кырсыкка арналган жыйында билдирди.
Анын айтымында, бүгүн жергиликтүү компания тарабынан бөлүнүп берилген 15 контейнер түштүк аймакка жеткириле турган болсо, дагы 150 контейнер алуу боюнча келишим түзүлгөн.
«Транспорт министрлиги тарабынан берилүүчү 66 контейнердин 39у 40 фунттук болсо, калганы 20 фунттук контейнерлер. Жергиликтүү ишкана тарабынан акысыз негизде бериле турган 15 контейнер 20, ал эми жаңы келишим түзүлгөн 150 контейнер 40 фунттук болуп саналат», — деди Шамырканов.
Аталган контейнерлер мобилдүү турак жай болуп жасалып, зилзаладан үйлөрү жараксыз абалга келген Оштун Кара-Суу жана Алай райондорунун жашоочуларына берилмекчи.
