БИШКЕК, 21-ноя. — Sputnik. Премьер-министр Темир Сариев үч күндүк мɵɵнɵттɵ Нарындагы Чкалов атындагы мектептин жылытуу маселесин чечүүнү тапшырды. Бул тууралуу өкмөттүн маалымат кызматы билдирди.
Премьер-министр бүгүн Нарын облусунда бир күндүк иш сапары менен жүрөт.
Өкмɵт башчы Нарын шаарынын мэрине жана Нарын жылытуу ишканасынын директоруна үч күндүк мɵɵнɵттɵ мектептин жылытуу маселесин чечүүнү тапшырды.
Мектеп директору маалымдагандай, Нарын жылытуу ишканасы жылытуу тутумдарын оңдоодон ɵткɵрүүдɵ, ага байланыштуу мектеп жылытылбай турат.
"Бул суроо менин жеке кɵзɵмɵлүмдɵ турат. Аталган маселе ɵз мɵɵнɵтүндɵ аткарылбаган учурда ээлеген кызматта калууңар каралат", — деп билдирди ал.
Өкмөт башчы шаардын жетекчилерине бардык иштер кышта эмес, жай мезгилинде ɵткɵрүлүшү керектигин эскертти.
