БИШКЕК, 21-ноя. — Sputnik. Премьер-министр Темир Сариев Нарынды түрө кыдырып, бала бакчанын ачылышына жана облустук биргелешкен ооруканасынын имаратынын курулушу менен таанышты. Бул тууралуу өкмөттүн маалымат кызматы билдирди.
Бир күндүк иш сапардын алкагында Сариев Нарын районундагы Жан-Булак айылындагы 50 орундуу бала бакчанын ачылыш аземине катышып, жергиликтүү тургундар менен жолукту.
Белгилей кетсек, облустук биргелешкен ооруканасынын неврология бɵлүмүнүн курулушу 2012-жылы башталып, сметалык долбоору 61 миллион сом деп бааланган. Учурда курулушту буткɵрүп, бир ай ичинде ишке берүү пландалууда. Оорукананын жетекчилиги курулушту каржылоого 15 миллион сом жетпей жатканын билдирди.
Сариев Курулуш, архитектура жана турак-жай агенттиги жана Каржы министрлиги менен бирге чыгымдыкк долбоорду жана кошумча каражатты карап чыгуусун тапшырды.
