БИШКЕК, 13-ноя. — Sputnik. Кыргызстанда орус тилин билүү боюнча Нарын менен Ош облустарынын окуучулары биринчи орунда турары Улуттук тестирлөө борбору жүргүзгөн изилдөөнүн алкагында белгилүү болду.
Маалыматка ылайык, психометриялык анализдин негизинде жүргүзүлгөн изилдөөгө бардык облустар менен Бишкек шаарындагы 8-класстардын 4299 окуучусу катышып, баалоо математика, физика, химия, кыргыз жана орус тилдери сыяктуу негизги предметтер боюнча жүрдү.
Математика боюнча Жалал-Абад менен Ош облустарынын окуучулары мыкты аталса, чүйлүктөр эң начар көрсөтүкчтөргө ээ болушкан.
Физика боюнча Ош облусу алдыга чыкса, Чүй менен Таластын окуучулары аталган предметти жакшы билбей турганы аныкталган.
Ал эми химия боюнча Ош, Чүй жана Нарындын окуучулары жакшы көрсөткүчтөргө ээ болду. Эң начар көрсөткүчтү Баткен менен Таластын окуучулары көрсөткөн.
