БИШКЕК, 17-ноя. — Sputnik. "Кыргыз темир жолу" улуттук ишканасынын коопсуздук системасындагы кемчиликтер аныкталды. Бул тууралуу УКМКнын Терроризмге каршы борбору өткөргөн окуунун натыйжасында белгилүү болду.
Маалыматка ылайык, аталган иш-чара терроризмге каршы коргонуунун деңгээлин аныктоо, эмгек жамааттын жана көзөмөл кызматынын сактыгын жогорулатуу, коопсуздук системасындагы кемчиликтерди табууга багытталган.
Натыйжада ишкана жетекчилигине коопсуздук талаптарын камсыздоого багытталган тиешелүү сунуштоолор берилди.
УКМКнын Терроризмге каршы борбору коргонууну камсыздоо боюнча эскертүү жана алдын алуу иш-чараларды өткөрүүнү мындан ары да уланта берерин белгиледи.
