БИШКЕК, 16-ноя. — Sputnik. Базар-Коргондо Каттоо кызматынын райондук бөлүмүнүн жетекчиси Эмилбек Тарыхчиев кол алдында иштеген кызматкерди аткандыгынан улам ээлеген кызматынан убактылуу бошотулганын Мамлекеттик каттоо кызматы билдирди.
16 Жетинин айы 2015, 12:27
Маалыматка ылайык, тийиштүү буйрукка аталган кызматтын төрагасы Тайырбек Сарпашев билдирди.
Үстүбүздөгү жылдын 13-ноябрында Тарыхчиев кол алдындагы кызматкерин жарадар кылганы белгилүү болгон. Башы, колу жана кулагына ок жеген 51 жаштагы Таалайбек Исаев ооруканага кайрылып, ал жерге келген укук коргоо кызматкерлерине көрсөтмө берүүдөн баш тарткан.
Мындан тышкары, Сарпашевдин тапшырмасы менен аталган чырлуу окуя боюнча кызматтык комиссия түзүлүп, окуянын чоо-жайын дыкат изилдөө талап кылынды. Кызматтык териштирүүнүн жыйынтыгы менен Тарыхчиевге карата тийиштүү чечим кабыл алынат.
