БИШКЕК, 13-ноя. — Sputnik. Ош шаарында III кварталда өзүм билемдик менен салынган 13 объект аныкталганын Мамлекеттик архитектура, курулуш жана турак жай-коммуналдык чарба агенттиги билдирди.
5 Жетинин айы 2015, 10:03
Маалыматка ылайык, агенттиктин Ош шаардык башкармалыгы тарабынан төрт объектинин ээсине эскертүү берилсе, дагы беш материал Мамлекеттик экология-техникалык инспекциясына жөнөтүлгөн. Мындан тышкары, төрт объект боюнча материалдар сотко берилди.
Ош шаарынын башкы архитектору Ажымурат Жолдошев мыйзамсыз салынган курулуштарды аныктоо жана аларды жоюу боюнча иштер дайым аткарылып турарын белгиледи.
