"Ислам мамлекети" ишенимдерге кыянаттык кылып жатат

Жазылуу
"Ислам мамлекети" исламдын бурмаланган түрлөрүн саясий идеологияга айлантып, мусулмандардын дин жаатындагы чыныгы сезим-умтулууларына таасир кылып, аларды кыянаттык менен согушка жем кылууда деп эсептейт Геосаясий экспертиза борборунун директору Валерий Коровин.

БИШКЕК, 13-ноя. — Sputnik. "Ислам мамлекетинин" пайда болушуна исламдын жөнөкөйлөтүлгөн түрлөрүн саясий идеологияга айлантып, дүйнө боюнча жаш мусулмандардын чын дилинен болгон диний умтутууларын "глобалдуу Батыштын" кызыкчылыгы үчүн пайдалануу бир себеп болгон. Мындай ойду бейшемби күнү Махачкалада өткөн конференцияда Геосаясий экспертиза борборунун директору Валерий Коровин айтты. 

"Ислам мамлекетинин" жаралышынын башкы себеби исламдын улуп-жулуп, бурмаланган түрлөрүн исламизм деп аталган саясий идеологияга айлантуу. Бул бийликке жетүүнүн исламга негизделген саясий түрү эмес. Ал тынчтыктын жана тилектештиктин байыркы салты болгон бул динге эмес, анын окууларынын жалпы контексттен сууруп алып, жөнөкөйлөтүлгөн үзүндүлөрүнө таянат", — деди Коровин. Мындай пикирин ал "Ислам мамлекети". Түндүк Кавказда терроризмге маалыматтык-психологиялык каршылык көрсөтүү" деп аталган конференцияда.

Анын айтымында, жалган ислам идеологиясынын жардамы менен АКШ башында турган "глобалдуу Батыштын" бүтүндөй Жакынкы Чыгышта көзөмөл орнотуу боюнча саясий максаттар ишке ашырылууда.

"Дүйнө боюнча жаштарды акыйкаттык жана мусулмандар үчүн жакшы жашоого чакыруу менен бул уюмдун башында тургандар алардын ак дилинен болгон күч-аракеттерин АКШНын кызыкчылыгы үчүн пайдаланып жатат. Башкача айтканда, бул адамдарды билип туруп эле Американын геосаясий кызыкчылыктары үчүн жемге айлантууда", — деди Коровин.

Дамаск шаары, Сирия. Архив - Sputnik Кыргызстан
Чавушоглу: Сирияда диний дискриминация экстремизмдин өсүшүнө алып келди
"Ислам мамлекети" террористтик тобу бүгүнкү күндө дүйнөнүн башкы коркунучтарынын бири болуп калууда.Үч жыл ичинде террористтер Ирак менен Сириянын көпчүлүк жерлерин басып алышкан. Алар эми өз таасирин Түндүк Африкада, тагыраак айтканда, Ливияда жайылтуу аракетин көрүп жатат. Террорчулар басып алган жерлердин жалпы аянты 90 миң чарчы чакырымга жетет. Экстремисттик топтун катарындагылардын саны ар кандай маалыматтар боюнча 50 миңден 200 миңге жетет.

Жаңылыктар түрмөгү
0
Алгач жаңыларыАлгач эскилери
loader